رمضان كريم

كل العرب بحبوا المناسبات ، وبتلاقي كل فرد منهم متحمس كتير على شو ما بتعرف
طبعا بتيجي هون مناسبة عنا احنا المسلمين مناسبة فضيلة ولا اعتراض عليها وهاي المناسبة عبارة عن شهر رمضان الكريم
وبهاي المناسبة بحب كمان اعيد عليكم واقول كل سنة وانتوا سالمين
اكيد مو أول وحدة بالعكس اخر الناس بس انه هيك صار معنا
بهاي المناسبة منلاحظ عالناس كلها انه بلشت تشد حيلها وتعمل عزايم و تنافس كتير غريب بين النسوان مين بيعمل طبيخ أطيب من التانية
يمكن عم ببالغ شوي بس سدقوني هاد الحكي في منه وانا بنت عربية وعايشة هاد الوضع ازا مو بالبيت عنا حوالي وقدام عيني
بس السؤال هو اشمعنا بس بالمناسبات بتزكروا الناس يزورا بعض ؟؟ وبزكروا يعملوا اكلات طيبة يمكن ما بتنعمل غير مرة وحدة بالسنة ؟!
وليش بس بالمناسبات برنوا وبعايدوا بعض ؟؟ ليش ما تكون ايامهم كلها جمعات حلوة و إذا عالمسلسلات فيا ما اكترها وما بتخلص يعني مو بس بشهر رمضان بنحضر مسلسلات !!!
انا مو قصدي اهاجم حد بس انا وحدة من الناس الي بتكره العزايم وغلبتها او بكره الجمايل والي بقول واجب ومضطرين.
بالعكس بدكم عنجد تعزموا بعض خلوها من دون مناسبة حلوها بابتسامة عنجد طالعة من قلبكم مو بنفخة جاي من روووس مناخيركم لانه متلا اجت فجأة وعلى غفلة او بوقت مو مناسب
وآخر شي حابة اقوله انه نظموا حياتكم اكتر وسدقوني كل شي بيطلع وقتها أحلى ومن دون ما الاطفال يوقعوا ضحايا متلي انا وغيري من الاطفال البريئين
عم بمزح طبعا :)
يلا كل سنة وانتوا ساملين كمان مرة وينعاد عليكم