My Last Words :)

My Friends

i really wanted to share my ideas with you .........i think i shared some ideas of mine with you but not the all of them.................. if i wanted to share i would spend the whole century writing posts and subjects .

But unfortunately i'll not be able to write anymore posts :( after today !!

so i wanted to say goodbye to my friends

I Really dont have the right words to say when im leaving

But GooDbYe :)


Sinky <3

SCHIZOPHRENIA

hey its me again :) after many great posts by my frnd Drain :P finally i found something in my mind i want to talk about :

Schizophrenia : everybody knows that its a disease that makes the patient acts like he has more than one personality or you can say its like 3 in 1 Nescafe :P 2 ppl in one body

and that sure causes a strange behavior of the patient

but the thing you may never ever know that theres someone have a wish or a dream you can call it what ever you want , its to have this disease :/

its me :) Sinky
so i thought it would be nice to meet someone else wants to have this disease

so as im known to my friends they know that im ready to do anything i want whatever it costs me to get it :)

so after few days of thinking about it i decided to search about the ways that can help me to get in this case !!

but unfortunately i knew that this disease is a genetic disease :(

so now i can just wish that one of my forefathers had this disease in the past :)

so now what do you think about me :)

am i crazy or im not ?!!!! ....

ذكرى الشهيد الراحل ناجي العلي

اليوم وبالصدفة تنازلت وقرأت وحدة من الرسايل الي بتوصلني على الفيس بوك ، بس بعد ما قرأت لقيت حالي ندمانة ليش من قبل ما كنت اقرأ والي بلاقي مهم استفيد منه ، والي بيطلع تافه بدون اي مغزى بلاش منه !!
هاي الرسالة اجتني من جروب اسمه (فرقة العرس الفلسطيني ) هاي فرقةدبكة موجودة بالامارات وكنت اسمع فيها من لما كنت عايشة بالامرات وللي بحب يعرف عنها اكتر او يشوف فعالياتها انا ممكن ازودكم باللينك تبع الجروب .

نرجع لموضوع الرسالة .... قرأت في رسالتهم أن اليوم 29/8/2010 هو الذكرى الثالثة والعشرين لاستشهاد الفنان الكاريكاتيري ناجي العلي، ناجي سليم حسين العلي ( 1937 - 29 اغسطس 1987م )
كان من أشهر وأعظم الرسامين في فلسطين ،كانت له 40 ألف رسم كاريكاتيري ، أطلق عليه النار شخص مجهول في لندن ( 22 يوليو عام 1987 م ) ، أي انها كانت محاولة لاغتيال الرسام ناجي العلي ، نقل إثر اصابته إلى المستشفى حيث أنه دخل في غيبوبة استمرت 5 اسابيع ، حتى قضى الله أن يأخذ أجله وينتهي بذلك عمره ، ولكن لم تنتهي الاحاديث عنه ، ولم تنشغل قلوبنا وعقولنا عن ذكراه يوما ، فإلى الآن لا يزال الناس يحبون أن يتطلعوا على أعماله ، ولا ننسى رمزه الحنظلة ، فلقد بات الجميع يضعه أين ما يشاء ،فهو الرمز الذي استخدمه ذلك الفنان وكان يمثل طفولة فلسطين المشردة بين المخيمات.
لقد كنت أجهل متى ذكرى وفاته ، ولأني كدت أن أنسى ايضا أن هناك كان موجودا على أرض بلدي فلسطين فنان مثله ، نعم فأن انشغلت بأمور أخرى وكنت أتوقع أن رسائل كهذه مستحيل أن تكون مهمة ، وأن تحمل أي هدف أو معنى ، ولكنني اكتشفت أنني انا أصبحت لا أعرف شيء وأهملت القراءة وأهملت مهمة البحث عن كل ما هو جديد ، وتكاسلت عن قراءة ومتابعة تاريخنا العظيم ، وبفضل هذه الرسالة أعد كل من كان يتعب وهو يحاول أن يبعث لي رسائل لربما كانت أهم من هذه ، بأنني من اليوم ساقرأها جميعا واستخلص ما يفيدني ويهمني منها ، واتغاضى عن كل ما هو عادي ، ولعلني أيضا أرد عليها
كل شي بيتغير، وانا عنجد كتير ناوية أتغير وعم بحاول هاد التغيير يكون من خلال
blog
، ومن خلالكم انتوا ومساعدتكم ،ومشاركتكم معي، في ناس ياما حاولوا من قبل يقنعوني انه رسائلهم مو كلها عادية او معروفة ومتل العادة فيها دعاء ومن هالحكي ، بس بصراحة ما كنت ارد عليهم ، بس مستحيل بعد الي حسيته من جهل وعبط بسبب هاي الرسالة البسيطة،اني اضل هيك وما احاول اقرأ
تحياتي

على مستشفى الأمير حمزة يا معلم

أول امبارح صارت معي مغامرة جديدة ، بس بتعرفوا من اي نوع هاي المغامرة ؟؟
هاي وحدة من مغامراتي مع التكاسي :D
. واحلى شي بالحياة تعيش مغامراتك مع شوفيرية التكاسي اسألوني إلي انا

ركبت التاكسي بقله وديني بالله على مستشفى الامير حمزة ( أحد المستشفيات العريقة هون بعمان)، سألني عالمستشفى نفسه ؟؟ قلتله اه يا ملعم عليه نفسه ، ومشينا .
وصلنا لنقطة انا بصراحة ما بعرف من عندها من وين لازم نروح ، بس انه الطبيعي مدامني راكبة تاكسي يكون هو الي بيعرف الطريق مو انا !! وغير هيك مستشفى اذا ما بيعرفه كان لازم يحكيلي لانه هاد مو بيت صاحبيتي ولا بيتي اكون حافظيته واعد ادله عليه
نرجع للموضوع ، وصلنا قبل دوار بسموه دوار المشاغل ، صار يسألني هلا من وين يمين ولا نطلع عالدوار ؟؟ قلتله انا ما بعرف الطريق بالزبط ، ومع هيك رنيت على صاحبيتي الي كنت بدي التقي فيها عند المستشفى وسألتها ، قلتلها انا عند كذا كذا من وين هلا اروح ؟ بس المحروسة طلعت مو فاهمة علي انا وين بالزبط.
فراح هو وأخد قبل الدوار يمين ، والبنت بتحكيلي قال لازم تروحي ابصر من وين ، فسكرت منها وطنشتها
فقلت لسواق التاكسي هلا انت ما بتعرف يعني المستشفى هاد وين ؟ حكالي يعني انتي بدك المستشفى نفسه ؟ (لو لاحظتوا هاد السؤال انسأل أول ما ركبت التاكسي بس للتوكيد يعني عم يرجع يسألني!) رديت عليه وانا شو حكيتلك اول ما ركبت بدي اوصل المستشفى نفسه ؟! حكالي ما انا قال بحب دايما اعمل احطياطي لانه بالعادة الراكب بطلع بقول شي وبنص الطريق بصير بدو يروح مكان تاني ، يعني بقول بدي اوصل مستشفى ولا مكان معين ولا هو بصير بدو يدخل دخلات ويوصل لمكان تاني !! قلتله انا لو بدي اي شي تاني كان حكيتلك يا عزيزي . قلي خلص ما عليكي اصلا هاد الطريق كمان بودي ، قلت يلا لنشوف لوين بدنا نوصل ، بس فعلا وصلت للمكان الي بدي ياه والحمدلله طلع مافي ولأول مرة بالحياة لف ودوران ، بس شكله ما صحتله فرصة لاني كنت كتير متشنجة وانا آعدة .
بس المفاجأة كانت ، بس نزلت بحكيلي بتحبي تاخدي رقمي ارجع اخدك !!! مع العلم كان حاطط اغنية فيها الرسول و الله والاسلام ومش عارفة شو ،يعني أنشودة دينية !! هلا ممكن بعضكم يقول لنفترض حسن النية فيه ، بس لو ظنيت نية منيحة فكل واحد كان من زمان الله اعلم شو صار ، بالذات هيك اشكال ما بتنعطى عين بالمرة، وسدقوني ما كان في مجال لحسن الظن بالمرة ، اسألوني إلي

تحياتي ، وان شا الله بس تصير مغامرة جديدة مسلية مع شوفير تاكسي معتر من شوفيرية التكاسي العظيمة المعبية البلد بحكيلكم كمان عنها ، هو صار كتير مغامرات قبل بس ناسية حاليا ،واحنا خلينا بالجديد احسن من القديم

قصتنا مع الفنان المشهور

اليوم رح طل عليكم بقصة من الآخر أنا متأكدة كتيييير رح تعجبكم :)

بس أول شي خليني اقول لا تسدقوا كتير العنوان وتفكروا انه عنجد قابلنا رسام مشهور ، هو صحيح رسام بس ولا يمكن لأي إنسان يكون سمع عنه ، ولو شافو أكيد رح يعرف إنه .... ولا لليش أخربها لازم يكون في تشويق .

خليني أبلش بالحكاية لانه فعلا متل الي بصير بالافلام (زي العنجد يعني ) ،اليوم طلعت أنا وهالمحروسة اختي على مكان (كوفي شوب) بس مافي داعي لذكر الاسماء ، رحنا وعين الله علينا واعدنا وانبسطنا وأكيد كان في كتير نشاطات نعملها من بين هاي النشاطات الكتير شيقة وحلوة ومسلية ، اتفاجأنا بجية واحد عالساحة مبستم وما أحلاه مبسووووط ، لف عند كل الطاولات بس ما حدا عبره يعني يا حرام فشلووه :( ، بس انا وأختي كتيير مناح، اجا لعنا طبعا مو فاهمين شو القصة ،طلع الزلمة رسام !! وحابب يعمل لوحدة فينا لوحة فنية نحلف فيها ، بلش هون الاحراج واحنا كتير مناح برجع بكرر، فقبلت اختي انه يرسمها .

باشر هالفنان رسمه وهالابتسامه على تمه شي بيشرح القلب ، وراح يحكي بس يا ترى شو حكى هون السؤال ، خلينا نقول من هون بلشت القصة.

صار هاد الفنان الموهوب يحكيلنا عن آرائه ولا بس احنا هون منحكي عن آراءنا لا الكل الكيد عند رأي وعنده أفكار خلينا نشوف شو كانت أفكاره.

أول شي اتفاجأنا بإنه عمره بس 29 !! مع إني متأكدة انه بالميت 35 بس ما علينا بالعمر الله يعطيه طولة العمر ، هاد الفنان يا جماعة بحتقر العرب قال احنا ناس مو عايشين ما عنا حرية ما عنا احترام للذات ، يعني قبل ما اقول اذا انا بوافقه الرأي او لا خليني أكمل شو كمان حكى وعبر، هاد الانسان مكمل بس توجيهي يعني خلص مدرسة من هون وأعد ووهب نفسه للفن يا أخي ما أحسنه !!

هو من رأيه انه شاف وعاش كتير ومتله ما حدا شاف ولا حيشوف ليش الله اعلم

أولا هو بقدس المرأة كتير وبيحلف إنه لو لقى بنت الحلال لكان هناها وعيشها عيشة مو طبيعية وكان عملها تمائيل ولوحات زيتية وقدرها كتير بس مافي ، كتير مر عليه بنات ونسوان بس ولا وحدة حبته واذا فيهم وحده حبته هو ما بتخرط مشطه يعني بالعربي ما بتعجبه ، كلهم مغرورات وما بيقدروا الفن، ليش يا عالم بيكاسو بيكاسووووو ما غيروووو كان متزوج 6 واخر وحدة فيهم كانت رسامة أصلا ما كان ينجذبله غير الفنانات متله هلا ما اختلفنا يا عمي إنك مثقف بس المهم خلصنا ،اخر وحدة فيهم لما انفصلوا عن بعض قصدي عن بيكاسو ومرته بعدوا كل الناس عنها ،وهو نفسه قلها إنه بما معناه الناس ما قربوا عليكي لانه حبوكي بس لانهم حسوا فيكي لمستي انا واحساسي انا، يعني باختصار حبوها عشانه هو ، طيب ما اختلفنا بس هلا هاد شو دخله فيك ؟؟؟ يعني انت متلا متله ؟؟ الاكتشاف العظيم كان إنه يمكن احنا طلبة كلية الفنون السنافر بنعرف نرسم احسن منه !! ما بدي ابهر الموضوع كتير هو رسم وتعب بس مالها علاقة الرسمة باختي ابدا ،حلوة ما اختلفنا بس يعني مين الاخت المرسومة؟؟

هو كتير انعجب باختي لدرجة انه الادب فيه وصل انه يسألها انتي مرتبطة وقالتله اه وبلا هلا ما افوتكم بالحبط اكتر بس كان كتير مصر انه وحدة فينا بطل يهمه بالاخير مين فينا بس المهم وحدة تكون صديقة اله يعني صديقة تمشي معه في درب الفن(وقاحة غير شكل )!! قال بحكي والله انتوا بنات كتير موهوبات وعجبتوني كتير ، طبعا كان يفوتني بالنص يحشرني يعني لاني اني طفسته كتير وعملتله شاب الحارة ، لما حاول يتغزل (لا تستغربوا اه حاول )ويعمل من حاله شاعر مو بس رسام قلتله عمووو هاي اختي وبغار انا عليها (بحاول ابينلكم الوجه الكويس والمؤدب في أحسن ما جد تنفصموا هلا كيف رديت عليه وتخافوا مني )استحى شوي ولكن ليس كثيرا.

وكمل كلامه،وحتى المغنيين مو عاجبينه ،وكان بيحكي وهو كتير منفعل :"هاد يا عالم مو فن واحنا مو بشر بس الحياة عنا أرجيلة وبس ،والعقلانية عنا ما فيها أي تقدير، للفن وإنك بس تحمل حالك كل يوم عالقهوة وتأرجل ( هو في منه الحكي بس ما علينا حالياه منتاقش بس أخلص )" وكمان طلع بحب كتير أبو وديع وكاظم ويمكن هاي الشغلة الوحيدة الي خلتني اتحمله لشوف وين اخرتها معه.

الزلمة كيتر متأثر بالجو والبيئة الخربانة الي عم نعيشها احنا حاليا وبرأيه انه اكيد ما عاد بهيك زمن أغبر معنى للحب وانه حاول كتير يشوف بنت تفهم عليه ويحبها بس ما لقى وبيحلف انه ما حيلاقي ،حاولنا كتير نقنعه انه اعطي لحالك كمان فرصة لساتك شباب يا اخي قال لأ مستحيل ما عاد في هيك شي .

وكما أضاف أيضا انه جميع النساء بهبن منه ( بخافوا منه ) قال هو كتير صريح واحنا البنات بنضل نقول منحب الصراحة بس اخر شي ببين انه احنا منكره الصراحة ،وما عنا استعداد للمواجهة ، في جملة قالها انه لازم نقدر النساء متل ما عملوا الرسامين والفنانين متل ليوناردو وبيكاسو وسلفادور وغيرهم، احنا ردينا عليه انه لازم بالاول البنت نفسها تقدر حالها وتعطي قيمة لنفسها وتثبت وجودها بكل احترام"،راح ناقض كلامه الي قاله من شوي بالبداية وقال :"اه والله البنت اذا ما كانت هيه حاسة بقيمة نفسها وما اتعاملت مع الناس وحسستهم بتقديرها لشخصيتها ولذاتها ماحيقدر اي رجال بالعالم يقدرها.

لحد هون بكفي نم وغيبة عالعالم بكفي هاي النبذة عن فنان العصر وفعلا انا كتير احترمته وقدرته .

احكولي انتوا هلا شو رأيكم بفنان الجيل الصاعد ؟ واكيد انا رح اشارك واقول رأيي بس من بعد ما اسمع رأيكم

واسفة طولت بالكتابة بس الموضوع شيق وانا افشل وحدة بعملية الاختصار

مع تحياتي ،ويارب سامحني حشيت بالزلمة كتير

حديث بيني وبين قلبي

صدفة التقيت بك يا نسيم البحر و وقفت على ضفافك أبها البحر ومشيت إلى أمواجك سرحة لأ أعرف أي أفكار تجول في ذهني ، لقد عرفت على الفور أن شيئا جميلا او حزينا على وشك أن يحدث، شعرت بقشعريرة تمشي في جسدي، شعرت وكأن الدم توقف عن السير في عروقي تبسمت قائلة لعله حب جديد ينسيني عذابي و مراري، فارتحت قليلا ولكن ما من فائدة فقلبي لم يعجبه كلامي وكأنه يقول لي أنت تكذبين على نفسك بهذه الأقاويل، قلت له وماذا تريدني أن أقول أخبرني بما تشعر أنت به؟ قال لي وهو يرجف إنها كذبة جديدة ستحل عليك وكابوس أسود يحاول اختراق افكارك ويحاول الدخول في  منامك أو لنقل إنها أياما عصيبة باتت قريبة جدا منك قلت له مرعوبة أهكذا يا قلبي ترعبني وبدلا من أن تطمئني تجعلني من الآن أعيش ذلك الكابوس الذي تخبرني عنه !! لم كل هذا يا قلبي لم البؤس والشؤم هذا كله ؟؟ أجابني لا يا حلوتي أنا لست متشائما بل أنا يقظ هذه المرة للذي قادم إليك بخدعه وأكاذيبه وأنا لا أخظئ .
لا يا قلبي لقد أخطأت من قبل !! فلقد وقعت في غرام من أبكاني وأنساني طعم النوم والراحة فكيف تكون الآن متأكدا أن ما تشعر به وتقوله صحيح ؟؟ لقد كنت أنت السبب في ألمي من قبل فكيف لا تكون أنت السبب اليوم في أن أضيع نصيبي؟! لعله هو من يستحقني ومن يستحق حبي و إخلاصي له.
قلبي عذرا منك أنت أصبحت غير قادر على التمييز بعد الآن فاتركني لعقلي وتفكيري لعلني استيقظت من أحلامي الوردية و أصبحت أعرف كيف أختار وكيف أحب، لا تخف يا قلبي علي فلقد ذقت مراراً يعلم جيلا بحاله ومن اليوم سأترك الدور لعقلي يفكر ويختار وليس دورك يا قلبي المهزوم والمحتار

sinky's turn

hey guy its me again :D

as im a "tawjihi" student and that mean's im going to the college on the next year so that means that i have to study well to get a high average so i can study anything i want

but now i really have problems in studying for so much time and i dont know the way to make my self able to study !!

so ....... i think i got some help of my family and spicially my mum <3 but till now i cant study as well as i should !!

so can i get some help :/